|
|
|
|
|
|
Serwus, I wars wieda. I glaub des Gästebejche find so guat wej koana, weil koana eineschreim dout. Dawei is des ganz oafach. Man mou auf dem Bejdschirm blos den Boddn dowegligga, dan is ma sofort en dem Gästebejeche drin.. kappito? Wen ned, dann einfach oruafa unter 09941/949691 do is dann mei bessare Hejfte dran, de hejft eng dan weida. Owa bassts fei af das eng mei Weiwal so ganz nebenbei ned a Kich odran dout, oda no gfährlicha is des, das eng de Brigitte a Ferienwohnung vomietn mecht, so fia 14 Dog Anfang Novemba. Owa wa ma grod bei meim Weiwal san, ejtz hod de doch glatt am letztn Deadaschdamdisch (saxn di is des a komplizierts Wort gwen) a Wett Gwuna vo wenga deera Wejtmoastaschaft. Seit I de Lewakaswett gengan Schlossa Franz gwuna han draut se o mid mia koana mea Wettn. Und desweng hamans gmoint, de Hundlen, dans es mid meim Weiwal browian. Es war koa geringara als unsa Bräsi zwo, na Bräsi zwo kan ma goa ned song, es is so wos wej da Bräsi 1b. Des herd se a komisch o. Also nomoi, da Fischl Dieda is so quasi unsa Bräsi A+ und da Günda is A++. A so meid des bassn. Also zua Sach, do woit doch da Bräsi A+ glatt mei Weiwal um a Fassl Bier erleichtern und hod fia des Fuaßboischbej Deitschland gena Argentinien af a Niederlage vo de unsan gsetzt. Und mei bessane Hejfte hod voi dageng ghoitn. Als des de andan Deadaschtammdischla midgrejgt hammand woitn de a no midwettn. Da Roi hod Alles schriftlich festghoitn, I glaub der moi oan Meta Bressog zoin. Af an nejdn Fall hod mei intelligents Weiwal mi bestens votretn und de Wett gwuana, eh klar. Ejtz woit I grod no wissn wann da naxde Schtammdisch is, Wei do glaube is wos geboten, Kulinarisch moine. I dou dann drei Dog davor nix mehr essn und fast nix mehr dringa. Merci, serwus bis zum naxdn moi, Fächt.
|
|
Donnerstag, 08.07.2010 um 20:13 Uhr
|
|
|
|
|
